АЛҒЫС АЙТУ ІЗГІЛІКТІ ҮНДЕЙДІ
Жуырда Мақтаарал аудандық адами әлеуетті дамыту бөліміне қарасты «Әсел» балабақшасында 1 наурыз – Алғыс айту күніне орай мерекелік шара өтті.
Жас ұрпақты кешірімді болуға үйрету, сыйластық құндылығы туралы түсініктерін кеңейту, адамгершілік қасиеттерін арттыру, сыпайылық қарым-қатынасын дамыту, әдептілікке, кішіпейілділікке, ізеттілікке тәрбиелеу мақсатында ұйымдастырылған шарада балаларымыз өлең айтып, бір-біріне ізгі тілектер мен алғыстарын жеткізді.
Мерекеге арнайы шақырылған ата-аналарымызға бүлдіршіндер өз өнерлерін көрсетіп, тамаша көңіл-күй сыйлады.
Балабақша меңгерушісі Т.Байтұяқова да ізгі тілегін жеткізіп, көктемнің алғашқы күнімен қатар келетін сыйластық мерекесімен баршаны құттықтады. Балаларына сапалы білім мен саналы тәрбие беріп жатқан балабақша ұжымына да ата-аналар ризышылықтарын айтып, алғыстарын жеткізді.
Тағаева Ұлжан Айтжонқызы,
№10 » Әсел» бөбекжай балабақшасының тәрбиешісі.
