2021 жылдың 24-қараша мен 03-желтоқсан күндері аралығында Румыния елі, Бухарест қаласында 42-ші Армрестлингтен жас жеткіншектер, жасөспірімдер, жастар мен ересектер арасында Әлем Чемпионаты өтті. Мақтаарал ауданының №2 БЖСМ-нің шәкірті Мырзабеков Қанат Ғалымұлы жас жеткіншектер арасында 70 кг салмақ дәрежесінде күміс жүлдегер атанды.
42-ші Әлем чемпионатына Қазақстан құрама командасы сапында Мақтаарал аудандық №2 БЖСМ –нің қол күресі бөлімінің оқушысы Мырзабеков Қанат Ғалымұлы жас жеткіншектер арасында 70 кг салмақ дәрежесінде қарсыластарын тізі бүктіріп, күміс жүлдегер атанды.
Жас спортшыны шыңдап тәрбиелеп жүрген қол күресінен бапкерлерді Тұрсынқұлов Дәулет пен Дауылбаев Еркебұланды спорт мектебінің ұжымы атынан шын жүректен құттықтаймыз.
Бапкерлерге өздері тәрбиелеп отырған шәкірттері алдағы жарыстарда биік белестерді бағындырып Еліміздің көк байрағын үлкен ареналарда желбіретіп, ауданымыздың абыройын асқақтата берулерін тілейміз.
Мақтаарал аудандық №2 БЖСМ әдіскері Өмірәлі Сапарбаев
