Астана қаласында Мақтаарал ауданының әкімі Бақыт Асанов Қазақстан футбол федерациясының Президенті Әділет Барменқұловпен кездесу өткізді.
Кездесу барысында Мақтаарал ауданының спортын жоғары деңгейде жүйеге қою, инфрақұрылымын жақсарту, жасөспірімдер футболын дамыту туралы сөз қозғалды. Оның ішінде «Мақтаарал» футбол клубын жан-жақты дамыту жөнінде әңгімелесті.
Әділет Барменқұлов клубтың жұмысын толыққанды жақсарту, жандандыру туралы өзінің ұсыныстарын айтып, алдағы уақытта жұмыс сапармен Мақтаарал ауданына баратынын жеткізді.
Кездесу соңында Қазақстан футбол федерациясының президенті футболды дамытуға атсалысып жатқаны үшін аудан әкіміне алғысын айтып, алдағы жұмыстарына сәттілік тіледі.
