ӨТЕ МАҢЫЗДЫ, СТРАТЕГИЯЛЫҚ ҚҰЖАТ

         1 қыркүйек «Білім күні» мерекесімен қатар еліміздің тарихында, жаңа бір саяси ахуал орын алды. Ол Мемлекет басшысы Қасым-Жомарт Тоқаевтың Қазақстан халқына арнаған Жолдауы. Жаңа Жолдау «Жаңа экономикалық саясат», «Нақты секторды дамыту», «Ел болашағына арналған стратегиялық инвестиция», «Мемлекеттік басқару ісін қайта жаңғырту», «Заң және тәртіп» деп аталатын 5 бағдардан тұрады.

           Президентіміз биылғы Жолдауында халықтың көкейінде жүрген өзекті мәселелерді көтеріп, халықтың көңілінен шығатын дүниелерді айтты. Жерді пайдалану, кезінде заңсыз өтіп кеткен жерлерді қайтару мәселесін күн тәртібіне қойылды. Мәселен бүгінде он миллион гектар жер айналымға кірмей жатыр. Ал енді оны біз бір күнде, бір жылда шешіп тастай алмаймыз. Осыған ұқсас маңызды міндеттер тұрғандықтан, біз Жолдауды мезетті емес, стратегиялық құжат деп қабылдаймыз. Енді осы құжатты жүзеге асыратын бір ғана механизм бар. Ол адамдардың ынта-жігері, адамдардың қызығушылығы, адамдардың осыған деген адалдығы.
Мемлекет басшысы Қ.Тоқаевтың Жолдауы ел дамуының жаңа белеске батыл қадам басқанының айқын дәлелі болып отыр. Жолдаудың негізгі бөлігі еліміздің әлеуметтік-экономикалық дамуына арналғанына қарамастан, Тәуелсіз Қазақстанның болашағы және Жаңа Қазақстанды құру туралы ойларын ортаға салу арқылы ол қоғамның ішкі дамуының перспективалары мен ұлттық мүдделерін қорғаудың маңыздылығына көңіл аударып, жаңа күн тәртібін айқындап берді. Қазіргі қалыптасып отыр­ған геосаяси жағдай мен жаһан­дық үдерістердің шектен тыс шие­ленісіп, жаһандық процестердің динамикасы жеделдеп, еліміздің әлеуметтік дамуы қиындықтарға тап болып тұрған шағында бұл шешімнің орны мен мәні тағ­дыр­шешті сипат алары анық. Өйт­кені, конституциялық реформа ауқы­мында іске асырылмақ қо­ғамдық-саяси өзгерістер тиісті заң­дармен нақтыланып, заңна­малық процедуралар өткізілуі шарт. Сондай-ақ, Конституциялық рефор­мада көзделген басқа да институ­ционалдық өзгерістер жыл со­ңы­на дейін заңнамалық тұрғы­дан аяқталуы тиіс.
Президент ұсы­нған бастамалар билікті монополиялау тәуе­кел­де­рін айтарлықтай төмендетіп, саяси реформаларды нақты іске асыруға кірісу үшін ескі үлгі бойынша сайланған биліктің өкілді ор­ган­дарын жаңартуға мүмкіндік береді. Ол келесі жылдың бірінші жартыжылдығында өткізіліп, Парламент пен мәслихаттардың құ­рамын жаңартып, депутат­тардың жаңа легінің саяси сахнаға шығуына мүмкіндік жасамақ. Осылайша Конституциялық реформа ая­сында парламентаризм дамып, әділ және ашық ереже­лері бар саяси жүйе құрылмақ. Саяси рефор­малар барысында саяси партия­лар көбейеді және саяси бәсекелестік күшейеді. Нәти­же­сінде, бұл өкілді органдардың жұмы­сының тиімділігі артпақ.
Президентіміз Қ.К.Тоқаев әділетті Қазақстан идея­сының түпкі мәні елді ізгі мақсатқа жұмылдыру мен бере­келі бірлікке бағдарлау екендігін ескертті. Мемлекет басшысы әлемде қалып­тасып отырған геосаяси жағдай­да реформалар мен жаңару бағ­дарын нық ұстану ар­қылы олар­дың қарқынын сақтап, саяси мә­се­лелердің бәрін кейін­ге қалдырмай шешуді ұсынды. Сонымен қатар, ол басты мем­лекеттік институттарды кешенді түрде қайта жаңғыртып, билікті мо­нополизациялау қаупін болдыр­май, тұрақтылықты нығай­тып, қоғамдық құрылыстың қазақ­стандық үлгісін орнықтыруға басым­дық бермек. Демек, Президентіміз реформа жолын таңдау арқылы Қазақстан халқын жаңа саяси дә­уірге бастап, жұртты жақсылыққа жұмылдырып отыр.
Мемлекет басшысының Жолдауы халық арасында кеңінен талқыланып, жақсы пікірлер мен қолдауларға ие болуда. Әсіресе, адам капиталы, балалардың болашағы үшін жасалуы тиіс деп атап көрсетілген міндеттер көпшіліктің көңілінен шыққан.
Жолдауда айтылған қадау-қадау тапсырмалардың жүзеге асуына жалғыз Мемлекет басшысы ғана емес, біз де, халық, қоғам болып атсалысуымыз керек. Ел тұрғындары Мемлекет басшысы межелеп берген бағытты нық ұстап, экономикамызды жақсарту жолында жұмылған жұдырықтай жинақы жұмыс істеуіміз қажет деп ойлаймын.

М.ЕРДЕШОВ,
Мақтаарал ауданы Қоғамдық
кеңесінің төрағасы.